Бүгін Алматыда дабыл қағылады

37 просмотров

Бүгін жергілікті уақыт бойынша сағат 12.55-те Алматы қалалық Төтенше жағдайлар Департаменті дабыл жүйесінің техникалық дайындығын тексереді, деп хабарлайды Алматы қалалық ТЖД.

maxresdefault

Дайындық барысында төтенше жағдай орын алған кезде немесе төтенше жағдайдың орын алуына қауіп төнген кезде электр дабылдары немесе басқа да дабыл құралдары қосылады, ол «Баршаңыздың назарына!» бірыңғай құлақтандыру дабылын білдіреді.

Бұл дабылды естіген кезде тұрғындар міндетті түрде қолайлы ақпарат қабылдау құралдарын (Хабар, Қазақстан, Еуразия бірінші арнасы, Астана, КТК, НТК теледидарларын; Шалқар, Ретро FM, Авторадио, Қазақ радиоларын) іс-әрекеттер туралы нұсқаулар мен ақпарат алу үшін қосулары керек.

Аталмыш  жоспарлы тексеру болып табылады және әр айдың  алғашқы бейсенбісінде, сағат 12.55-те жүргізілетін болады. Егер, ол бейсенбі мерекелік күнге сәйкес келіп қалса, одан кейінгі бейсенбіге ауыстырылады, деп хабарлайды Алматы қалалық Төтенше жағдайлар департаментінің баспасөз қызметі.

«Алматы қалалық ТЖ департаменті қала тұрғындарын сабырлық сақтауға, үрейленбеуге шақырады», делінген хабарламада.

Загрузка...