Қазан айынан бастап дизель отынының бағасы төмендейді — министр

59 просмотров

Бүгін жаңа құрамдағы Үкімет отырысынан кейін баспасөз мәслихатында дизель отынының келесі айдағы бағасы айтылды.

Бұл туралы ҚР Энергетика министрі Қанат Бозымбаев мәлім етті деп хабарлады ҚазАқпарат.

— Өздеріңіз білесіздер, екі ай бұрын дизель отынына қатысты тиісті шешім қабылдадық. Бүгіндері отын бағасы нарықтағы құбылысқа байланысты қалыптасады, егер де нарықта сұраныс жоғары болса, баға көтеріледі. Дизель отыны бізде де өндіріледі, сондай-ақ Ресейден де жеткізіліп жатыр. Дизель бағасы бойынша осы ай қиындау болады, өйткені отынның көп бөлігі ауыл шаруашылығына бағытталуда. Биыл елімізде астық өнімділігі де жоғары,-деді министр Үкімет отырысынан кейінгі баспасөз мәслихатында.

Осы ретте ол дизель отынының бағасы қашан төмендейтінін жеткізді.

«Менің ойымша, келесі айдан бастап дизель отынының бағасы төмендеуі мүмкін. Себебі, сол кезде сұраныс та азаяды»,-деп түйіндеді сөзін Қанат Бозымбаев.

Загрузка...