Қазақтың бұлбұл әншісі — Күләш Байсейітоваға әлі әділетсіздік жасалып келеді

69 просмотров

Жуырда қазақтың бұлбұл да дүлдүл әншісі — Күләш Байсейітованың өліміне қатысты дерек жариялаған Білім және мәдениет телеарнасы бұл дүниеде болмаса да ол кісіге әлі қаралық жасалып келе жатқанын айтады.

Білім және мәдениет телеарнасы келтірген дерекке сүйенсек, Күләш Байсейітованың өліміне себепкер болған «домалақ» арызды 6 адам жазған. Араларында Опера театрында қызмет жасаған 4 КСРО халық әртісі бар. Есімдерін тізімдеуге тіл бармайды. Жалақорлар «ол арақ ішеді, гуляет» деп жала жауып, қызғаныштан Қытайға баратын іссапардан Күләшті қалдырғаны белгілі.

Арызды естіген Күләш «бұлайша жер басып жүргенімше, өлгенім жақсы» депті. Көп ұзаған жоқ. Мәскеуде қонақ үйде жүрек талмасынан көз жұмды. Талантын қадірлемек түгіл таптап өтуге дайын не деген ұлтпыз сонда?!

Ариялар мен опералық қойылымдарда Қыз Жібек, Қадиша, Ақжүніс пен Саралардың бейнелерін сомдаған Күләш өнерде жарқ етті де, қызғаныштың құрбаны болды. Осындай қасіретті тағдыры бар адамға есімі ендеп берілген Астанадағы театрдан атын елеусіз алып тастағаны да өкінішті!

Загрузка...