Қазақстандықтар 22 182 теңгеге қалай күн көрмек?

185 просмотров

Оның 13 309 теңгесіне тамақ ішуіңіз керек. Атап айтарлығы, ол мейрамханадағы бір кештегі „мырзалық„ емес, бір айлық тамағыңызға жұмсайтын қаражатыңыз. Бұл — ресми белгіленген дүние.
Қазақстан Республикасы Ұлттық экономика министрлігі қазақстандықтардың ең төменгі күнкөріс деңгейін анықтады. Енді еліміздің кез келген азаматы бір айда 22 182 теңгеге күн көре алады екен.

Ғылымға сәйкес өмір сүрудің сиқы осы ма?

ҚР Ұлттық экономика министрлігінің Статистика комитетінің сайтында осы сомаға қалай күн көруге болатынына түсінік беріліпті,

ғылыми есептеулерге сәйкес, министрлік тарапынан бөлінген 22 182 теңгенің 13 309-н азық-түлікке жұмсау қажет екен

Сонда қалғанынан (азық-түлікке жатпайтын тауарлар мен қызметтерге) 8 873 теңге қалады екен.

Сондай-ақ ең төменгі күнкөріс деңгейі мөлшерінің негізгі тағамдары тұтынудың ең төменгі мөлшерін басшылыққа ала отырып есептелгені хабарланады.

Атап айтарлығы, ол маусым айында, алдыңғы аймен салыстырғанда, 7,5 пайызға, ал 2015 жылғы маусыммен салыстырғанда 12,7 пайызға артқан.

Статистиктер біздің 30 күнде ішіп-жейтін тағамымыздың мөлшерін де есептеп шығарыпты. Сөйтсек, бір айда ішетін тағамымыздағы «ет пен балықтың үлесі 19,6 пайызды, сүт, май өнімдері мен жұмыртқа – 15,9 пайыз, жеміс пен көкөніс – 13,8 пайыз, нан тағамдары мен жарма бұйымдары – 8,2 пайыз, қант, шәй мен  дәмдеуіштер – 2,5 пайызды» құрайды екен.

Десек те, бұлардың барлығы орташа есеппен алынған цифрлар. Олар жас шамасы және жыныстық белгілер бойынша өзгеруі мүмкін. Мәселен, сарапшылардың есептеулері бойынша,

еңбекке қабілетті жастағы ер адамға күн көру үшін айына 26 427 тенге,

әйелге — 20 976 теңге қажет болса, зейнеткерге 20 766 теңге де жеткілікті екен. Бұл, неге екені белгісіз, жұмыс істейтін әйелдерге қажетті сомадан 200 теңге кем екен.

pm1

Еш нәрседен тартынбаңыз…

Атап айтарлығы, сол Статистика жөніндегі комитет 2016 жылғы 1-шілдеден бастап, инфляцияның жылдық шамасы 17,3 пайыз деңгейінде қалыптасқанын хабарлады. Сөйтіп,

ең төменгі күнкөріс деңгейі шамасының өсуі (ол 2015 жылдың маусымымен салыстырғанда, 12,7 пайызға артқан) инфляция қарқынына ілесе алмай келеді

Ал инфляцяның өзіне келетін болсақ, жылдың басынан ең көп қымбаттағаны — картоп (+34,9 пайыз), жармалар (+24,4 пайыз), қара шәй (+18 пайыз), қант (+13,6 пайыз), нан (+11,6 пайыз), макарон бұйымдары (+8,2 пайыз) және күнбағыс майы (+8,1 пайыз) — яғни, кедей халық көп тұтынатын негізгі тағамдар жиынтығы.

Бұдан бөлек, денсаулық сақтау саласының қызметі 7,3 пайызға артса, балалар мен сәбилер бақшасы 6,3 пайызға қымбаттаған. Тұрғын үй қызметі саласында канализация тарифі 19,8, қоқысты шығару 11,8, суық су 8 пайызға артса, басқа қызмет түрлерінің құны да артқан.

Загрузка...