Қазақстандық ұшқыштар жалған медициналық анықтаманы сатып алып келген.
“Жолаушы тасымалдап жүрген ұшқыштардың есірткіге еліріп тізгін ұстауы және онысын тиісті орындардың байқамай қалуы сондықтан екен” деп хабарлайды КТК арнасы.
Өйткені, ұшар алдында экипаж командирін ешкім жіті тексермейді. Ұшқыш тек жылына бір рет қан тапсырып, тыйым салынған препараттарға қарсы сараптама жасатса жеткілікті. Естеріңізге салсақ, «Эйр Астана» компаниясының Мәскеуден Алматыға қатынаған ұшағының экипаж мүшесінен марихуана табылған еді.
Альберт Рау, ҚР Инвестиция және даму министрінің орынбасары:
– Өкінішке қарай тексерудің нәтижесі жақсы емес. Өткен жылы әуе қызметкрелері 80-нен астам жалған медициналық анықтама жасатқан. Халықаралық талапқа сай, бұл саланы қатаң бақылауға алу керек.