Қазақстандағы тұңғыш дзюдо академиясы ашылды

48 просмотров

Бүгін Алматыда Кәркен Ахметов атындағы Олимпиада резервінің республикалық мамандандырылған мектеп-интернат-колледжінің аумағында салынған Қазақстандағы тұңғыш дзюдо академиясы қолданысқа берілді.

2012 London Olympic Games Korea Judo, Kim Jae-bum won the Semi-Final -81kg match 2012.07.31 Photo by Korean Olympic Committee Ministry of Culture, Sports and Tourism Korean Culture and Information Service -------------------------------------- 2012 런던 올림픽 한국 남자 유도 -81kg 김재범 준결승전 사진제공 - 대한체육회 문화체육관광부 해외문화홍보원

Оның ашылу рәсіміне ҚР Мәдениет және спорт министрі Арыстанбек Мұхамедиұлы, Алматы қаласының әкімі Бауыржан Байбек, Халықаралық дзюдо федерациясының президенті Мариус Визер, Қазақстан Дзюдо федерациясының президенті Кеңес Рақышев, Қазақстан дзюдо федерациясының өкілдері, елге танымал дзюдошылар, жас дзюдошылар және БАҚ өкілдері қатысты.

Академияның салтанатты ашылу рәсімі аясында ҚР Мәдениет және спорт министрі Арыстанбек Мұхамедиұлы мен Халықаралық дзюдо федерациясының президенті Мариус Визер қызыл лентаны қиды.

Бұдан кейін жиналған қауым әлемдік стандарттарға сай етіп салынған жаңа дзюдо академиясын аралап көрді. 4 жұп татами төселетін кең залда өткен салтанатты жиын барысында ҚР Мәдениет және спорт министрі Арыстанбек Мұхамедиұлы, Алматы қаласының әкімі Бауыржан Байбек және Халықаралық дзюдо федерациясының президенті Мариус Визер сөз сөйлеп, игі тілектерін білдірді.

Жиын соңында Қазақстан Дзюдо федерациясының президенті Кеңес Рақышев жаңа дзюдо академиясының символикалық кілтін осы мектеп-интернаттың түлегі, 2015 жылы дзюдодан кадеттер арасында Сараево қаласында өткен Әлем чемпионатының алтын жүлдегері Айболат Ыстыбайға тапсырды.

Салтанатты жиын соңында татамиге шыққан жас дзюдошылар көрнекі сипатта өз өнерлерін паш етті.

Айта кетелік, дзюдо академиясы әлемдік стандарттарға сай етіп салынған.  Оның 4 жұп татами төселетін алып залында бір мезетте 200 адамға дейін жаттыға алады. Сонымен қатар, академия аумағында тренажер залы, 100 адамға шақталған 2 және 4 орындық жатақхана, 100 адамға арналған асхана, дәрігер кабинеті, бассейн, сауна, киім жууға, киім үтіктеуге және демалуға арналған бөлмелер бар.

Дзюдо академиясын салуға шамамен мемлекет-жеке меншік серіктестік аясында шамамен  4,5 млн. астам АҚШ доллары жұмсалған.  Соның ішінде 2,5 млн. АҚШ доллары — жеке инвестиция.

Құрылыс жұмыстарын Қазақстанның дзюдо федерациясының ресми демеушісі — SAT&Company компаниясы салған. Академия аумағы 1 гектарға жуықтайды. Ал академия ғимаратының аумағы 4,5-5 мың шаршы метрді құрайды. Болашақта бұл базада тек Қазақстанның ұлттық құрамалары ғана емес, шет елдік ұлттық құрама командалар да келіп, осы жерде толыққанды оқу-жаттығу жиындарын өткізе алады. Сонымен қатар, бұл жерде бірлескен оқу-жаттығу жиындары, семинарлар ұйымдастырылады. Бұл академияға болашақта халықаралық мәртебе берілуі мүмкін.

Загрузка...