Қазақстанда WhatsApp арқылы терроримзді насихаттаған бір топ адам сотталды
Ақтөбедегі сот Шалқар қаласының үш тұрғынын алты жарым жылдан сегіз жылға дейін бас бостандықтарынан айырды. Олар телекоммуникациялық желі арқылы терроризмді насихаттау немесе терроризм әрекетін жасауға көпшілікті үгіттеу фактісі бойынша кінәлі деп танылды.
36 жастағы инженер-технолог Мейрамбек Тұрғанбаев алты жарым жылға сотталып, мүлкі тәркіленетін болды. Темір жолдың бұрынғы 38 жастағы жұмысшысы Төлебай Мәжитов және жұмыссыз 36 жастағы Ерғожа Аманғожин әлеуметтік және діни араздық туғызды деп айтыпталды. Сот олардың әрқайсысын сегіз жылға соттап, мүлкін тәркілеу туралы үкім шығарды.
Сотталушылардың адвокаттары Раушан Ізтілеуова және Бауыржан Ерманов сот үкімімен келіспейтіндерін, үкімге шағым түсіретіндіктерін айтты. Қорғаушылардың пікірлерінше, сотталушыларды 2 маусымда, Ақтөбедегі қарулы шабуылдан соң оларға тым ұзақ жаза шығарып отыр. Ақтөбеде 5 маусымда тіркелген қарулы шабуылды қазақ билігі “теракт” деп атаған еді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе