Қазақстанда ұрланған қымбат көліктерді сатқан ресейлік соттан сытылып кетті
Қылмыстық істе Toyota, Lexus, Infinity брендті қымбат көліктер туралы сөз болған.
Бұл туралы bk55.ru сайтына сілтеме жасап, ҚазАқпарат хабарлады.
Омбыда Василий Коняхин – ұрланған элиталық көліктерді халықаралық нарықта саудалаумен айналысатын ұйымдасқан қылмыстық топтың мүшесі амнистияға ілікті.
Тергеу мен сот анықтағандай, қылмыс 2011-2012 жылдары жасалған. Коняхинге Toyota, Lexus, Infinity маркалы ұрланған автомобильдер түсіп отырған. Оның міндеті – көліктерді шетелде сату болған.
– Көліктер жалған тұлғаларға рәсімделіп, Қазақстанға жөнелтіліп, сатылған. Тергеу амалдары негізінен Қазақстанда жүргізілді. Қылмыстық топ мүшелерінің басым бөлігі сол елде болған, – деді прокурор Евгений Логинов.
Коняхин барлығы 11 иномарканы сатып үлгерген. Куйбышев соты ер адамды 2,5 жылға шартты түрде бостандығынан айырып, 80 мың рубль айыппұл салған. Алайда оған рақымшылық жасалды.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз