Қазақстанда Отан қорғаушылар күні мерекеленіп жатыр

57 просмотров

Қазақстанда Отан қорғаушылар күні мерекеленіп жатыр, — деп хабарлайды 365.info.kz

DSC_0177

Алғаш рет 1992 жылы 7 мамырда қорғаныс комитеті ҚР Қорғаныс минситрлігі болып қайта құрылды. Дәл осы күні Қазақстан Президенті, Жоғарғы Бас қолбасшы Нұрсұлтан Назарбаев Қазақстанның Қарулы күштерін құру туралы Жарлыққа қол қойды. 2012 жылдың 4 қазанында ҚР Парламенті 7 мамырды мемлекеттік мерекелер қатарына қосты.

Кеше Отан қорғаушылар күні қарсаңында Мемлекет басшысы, еліміздің Жоғарғы Бас қолбасшысы Нұрсұлтан Назарбаев бірқатар әскери адамдарға әскери атақ беріп, нагрдалармен марапаттады. Cоның ішінде екі Халық қаһарманы атағы берілді.

Олар Қазақстан Республикасына сіңірген аса үздік еңбегі, әскери және қызметтік борышын атқару үстінде көрсеткен ерлігі мен жанқиярлығы үшін «Fokker-100» әуе кемесінің командирі Дмитрий Родин мен Ұлттық ұлан «Орталық» өңірлік қолбасшылығының штаб бастығы – 6505 әскери бөлімі командирінің бірінші орынбасары Қайрат Үмбетов болатын.

Оның бірі Қызылордадан Астанаға бағыт алып, Астана әуежайына апаттық жағдайда аман-есен қонған  «Bek Air» әуе компаниясы ұшағының командирі. Дмитрий Родин 108 жолаушы мен 5 экипаж мүшесінің өмірін аман сақтап қалған. Ал, әскери оқу-жаттығулардың бірінде гранатаның жақын маңда жарылатынын сезген полковник Қайрат Үмбетов жауынгерді кеудесімен қалқалап, сарбаздың өмірін ажалдан арашалап қалған болатын.

Загрузка...