Жер мәселесі бойынша митинг өткізуге негіз жоқ — ҚР ІІМ басшысы

123 просмотров

ҚР Ішкі істер министрі Қалмұханбет Қасымов Қазақстанда жер мәселесі бойынша митинг өткізуге негіз жоқ деп санайды. Бұл туралы министр бүгін Мәжіліс талқысынан кейін баспасөзге берген сұхбатында мәлім етті, деп хабарлайды bnews.kz.

bv-калмуханбет-касымов

Министр еліміздің кейбір өңірлерінде 21-мамырда бейбіт митингтер өткізу туралы өтініш берілуіне байланысты қауіпсіздік шарасы күшейтілуі мүмкін екендігін де айтады.

«Біз барлық шараларды қадағалап отырмыз. Менің ойымша, митинг өткізуге негіз болатын барлық сұрақтар шешілді. Мемлекеттік комиссия жұмыс істеп жатыр. Митинг өткізудің қажеттілігі жоқ», — деді ҚР ІІМ басшысы.

Сондай-ақ министр алдыңғы митингке шыққандарға қатысты ешқандай тергеу шараларының жүргізіліп жатпағанын да айтты.

„Облыс әкімі, облыс прокуроры бәрін анықтап айтты деп ойлаймын, сондықтан бізде қарастырылып жатқан ешқандай материал жоқ„, — деді министр.

Загрузка...