Қазақстанда әйелдердің жұмыс күнін екі есе қысқарту ұсынылды
Белсенді әйелдердің жұмыс күнін екі есеге қысқарту туралы ұсыныс талқыланып жатыр.
Бұл туралы ҚР Денсаулық сақтау және әлеуметтік даму министрлігіне жолданған депуатттық сауалда айтылады, деп хабарлайды ҚазАқпарат.
«Заңнамада мұндай ережелер жоқ және өзгерістер енгізу, әзірге қарастырылмаған. Себебі Еңбек кодексінде әйелдерге және ерлерге қатысты ешбір кемсітушілік жоқ. Барлығы тең дәрежеде. Әрине, біз мұндай ұсыныстарды қарастыруға әрдайым дайынбыз. Бірақ өзгерістерді енгізетінімізге уәде етпейміз. Егер бұл ұсыныс заң шеңберінде болса, барлығына талдау жүргізетін боламыз», – деп атап өтті министрліктің еңбек және әлеуметтік серікстестік департаментінің директоры Мәдина Наурызбек.
Еске салайық, мұндай ұсынысты Қазақстан коммунистік халық партиясының Астана қалалық комитетінің бірінші хатшысы Марат Әубәкіров жасаған болатын.
Ол медицина, білім беру салаларындағы әйелдер қосымша жұмыс көп алатынын айтады. Өйткені оның пікірінше, бұл салаларда жалақы төмен.
«Сондықтан, әйелдер ақша табу үшін көбірек жұмыс істеуге мәжбүр. Оларда балалардың, өскелең ұрпақтың тәрбиесіне уақыт қалмайды. Кейбір бастамашылар әйелдер түстен кейін балалар тәрбиесімен айналысу үшін, оларға түске дейінгі жұмыс күнін ұсыну туралы айтуда. Мүмкін оны қарастыруға болатын шығар», – деді ол.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе