Оңтүстік Қазақстан облысына қарасты Мақтарал ауданындағы ауылдық округтердің әкімдері бюджет қаражатын жеген деген күдікке ілінді, деп хабарлады сыбайласқан жемқорлыққа қарсы қызмет.
Қызмет мәліметі бойынша, күдіктілер мектепке дейінгі тәрбие және біліммен қамтуға бөлінген 100 миллион теңгеден астам бюджет ақшасын қолды қылған. Әкімдер бір баланы бірнеше балабақшаға тіркеп қойып, оларды күтуге қажетті қаражат көлемін ұлғайтып көрсетіп келген.