Қазақстанда Аи-80 маркалы жанар-жағармай шектеулі көлемде өндірілетін болды

23 просмотров

Себебі оған еліміздегі мұнай өңдеу зауыттарының мерзімдік жаңғырту жұмыстарына қойылғанына байланысты болып отыр.

Бұл туралы ҚР Энергетика министрлігінің баспасөз қызметі мәлім етті деп хабарлады ҚазАқпарат.

«2015 жылдан бастап Аи-98 бензиніне мемлекеттік реттеу тоқтатылған еді, ал 2016 жылы мемлекеттік реттеу дезильдік отынға да жүргізілмейді. Аталған мұнай өнімдеріне баға сұраныс пен ұсыныс негізінде қалыптасады, яғни нарықпен реттеледі. Бүгінде мемлекеттік реттеу Аи-80 бензинінің бағасына ғана бекітілген»,-деп нақтылады министрлік өкілдері.

Белгілі болғандай, қазіргі кезде Қазақстандағы мұнай өңдеу зауыттарында қолданыстағы қуатты қайта жаңарту мен жаңғырту жобалары жүзеге асырылуда. Осыған байланысты Аи-80 маркалы бензині өндірісінің көлемі қысқарған.

«Зауыттарды жаңғырту шаралары аяқталғаннан кейін, Аи-80 бензині тек кәсіпорындар мен мемлекеттік мекемелердің (ҚР Ішкі істер министрлігі, ҚР Денсаулық сақтау және әлеуметтік даму министрлігі, ҚР Қорғаныс министрлігі) арнайы тапсырысымен ғана өндіріледі. Аталған шара Еуразиялық экономикалық одақтың техникалық регламенттері талаптарына орай іске асырылып отыр», — деп хабарлады ведомстводан.

Загрузка...