Қырғыз Республикасының бас прокуратурасы елдің Ұлттық физиатрия орталығында пациенттердің өліміне әкелген туберкулезге қарсы қазақстандық дәріні заңсыз клиникалық сынақтан өткізу фактісі бойынша қылмыстық іс қозғады.
“Қырғыз Республикасының бас прокуратурасы Ұлттық физиатрия орталығы мен дәрі-дәрмек және медициналық техникамен қамтамасыз ету департаментінің қызметтік тұлғаларына қатысты ФС-1 – туберкулезге қарсы дәрісін заңсыз клиникалық сынақтан өткізу фактісі бойынша қылмыстық іс қозғады”, – делінген хабарламада.
Тергеу кезінде анықталғандай, орталық дәрігерлері “Дәрілік заттар туралы” заңды бұза отырып, ФС-1 дәрісіне клиникалық сынақ жасау туралы Қазақстан Республикасының “Жұқпалы ауруларға қарсы дәрі-дәрмектердің ғылыми орталығы” акционерлік қоғамымен келісімге отырған.
Клиникалық сынақ өкпе тубуркулезіне шалдыққан және дәрілік төзімділігі бар 54 науқасқа жүргізілген. “Дәріні қолдану кезінде 10 науқаста үстеме әсер пайда болған, сонымен қатар екі адам көз жұмған”, – делінген прокуратура хабарламасында.
Қылмыстық іс “қызметтік бабын асыра пайдалану” және “қызметтік алдау” баптары бойынша қозғалды.