Қазақстан Түркиядағы лаңкестікті қатаң түрде айыптайды

74 просмотров

Қазақстан 20 тамызда Түркияда Газиантеп қаласында  жасалған лаңкестікті үзілді-кесілді айыптайды, делінген ҚР Сыртқы істер министрлігінің мәлімдемесінде.

«Газиантеп қаласында  (Түрік Республикасы) ондаған адамның өліміне алып келген лаңкестікті үзілді-кесілді айыптаймыз. Қылмыскерлердің нысана ретінде кіршіксіз, таза неке қию салтанатты жиынын көздегені аса алаңдаушылық тудырды», — делінген СІМ Facebook-тағы  ресми парақшасында жарияланған мәлімдемеде.

«Бауырлас түрік халқына, қаза тапқандардың жақындары мен туыстарына шын көңілден қайғырып көңіл айтамыз», — деп атап өтіледі хабарламада.

ҚР терорризммен күресте әлемдік қауымдастықты қолдайды және халықаралық ынтымақтастықты одан әрі нығайтуға, осы салада күштерді үйлестіруге шақырады, — делінген мәлімдемеде.

Жарылыс үйлену тойын мерекелеу уақытында болған. Қазір қаза тапқандар саны 30, 100 адамның зардап шеккені белгілі. Лаңкестік 20 тамызда жасалды. Адамдардың басым бөлігі сыртқа шыққан кезде жанкешті жарылғыш затты іске қосқан.

Түркия Премьер-министрі жарылысты жанкешті-лаңкес әйел жүзеге асырғанын хабарлады.

Загрузка...