Қазақстан шекарашылары Олимпиада чемпионы Дмитрий Баландинмен кездесті
Қазақстандық шекарашылар Рио-де-Жанейро Олипиадасының чемпионы, қазақстандық азамат Дмитрий Баландинмен кездесті.
Бұл туралы ҚР Ұлттық қауіпсіздік комитеті шекара қызметінің баспасөз қызметі хабарлады.
Таңертең Қордай шекара отрядының шекарашылары жақында Риода өткен Олимпиадада 200 метрлік қашықтықта брас әдісі бойынша жүзуден алтын медальды қанжығасына байлап, тәуелсіз еліміздің атын айдай әлемге шығарған батырды күтіп алу үшін барлық жағдайды қарастырды.
Шекарашылар алдында сөз сөйлеген чемпион Олипиада кезіндегі өзінің әсері, спорттағы табыстары туралы әңгімеледі.
– Мен таблоға ұзақ қарағанымды әлі ұмытпаймын, өз көзіме өзім сенбедім, мүмкін қателік болар деп ойладым. Қателік емес екендігіне көзім жеткен соң бойымды Тәуелсіз Қазақстан үшін қуаныш биледі! – деп атап өтті Дмитрий Баландин.
Кездесу соңында чемпион «Құрметті қонақтар кітабына» өзінің қолтаңбасын қалдырып, қазақстандық шекарашылардың қызметіне табыс тіледі.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе