Қазақстан қоржынына екінші қола медаль салынды

69 просмотров

Ауыр атлетикадан 62 келіге дейін салмақта өнер көрсеткен Фархад Харки Қазақстан қоржынына екінші қола медальды салды.

Фархад жұлқа көтеру сайысын үшінші болып аяқтаған болатын. Ол алдымен 135 келіні төбесінен асыра көтерсе, екінші, үшінші мүмкіндігінде 140 келіге екі рет тапсырыс берді. Өкінішке қарай, бұл салмақ атлетімізге бағынбады. Нәтижесінде, ол 135 келімен жұлқа көтеру сайысын үшінші болып аяқтады.

Ал серпе көтеруде жерлесіміз 170 келіні бағындыра алды. Сонымен қоссайыстың қорытынды бойынша (305 келі) қазақстандық спортшы үздік үштікке ілініп, Рио Олимпиадасының қола жүлдегері атанды. Осылайша, Рио Олимпиадасының үшінші күні Қазақстан құрамасына үшінші жүлде түсті.

Естеріңізге сала кетейік, осыған дейін дзюдошылар Елдос Сметов күміс, Галбадрах Отгонцэцег қола медаль еншілеген еді. Ал ауыр атлеттерімізден жарыстың алғашқы күні Маргарита Елисеева 5-орын, кеше Арли Чонтей 4-орынға табан тіреген болатын.

Загрузка...