ҚР Сыртқы істер министрлігі Корей Халықтық-Демократиялық Республикасының ядролық сынақ өткізуіне байланысты ресми мәлімдеме жасады.
Бұл туралы ҚР сыртқы істер министрлігінің ресми сайтында жарияланды.
2016 жылы 9 қыркүйекте Ядролық сынақтарға жаппай тыйым салатын шарттың тексеруге арналған Халықаралық мониторинг жүйесіне кіретін Қазақстан Республикасының барлық сейсмикалық стансаялары эпицентрі Корей Халықтық Демократиялық Республикасының Пунгери полигонына (бұл полигонда 2006, 2009, 2013 жылы және 2016 жылдың қаңтар айында ядролық сынақтар жүргізілген) жақын болған сейсмикалық оқиғаны тіркеді. Мәліметтер сараптамасы ядролық қарудың сынақтан өткенін растады.
«Қазақстан КХДР әрекеттерін қатаң айыптайды және БҰҰ Қауіпсіздік Кеңесі қолданыстағы қарарларына мүлдем қайшы екенін мәлімдейді, – делінген Қазақстанның сыртқы саясат ведомствасының мәлімдемесінде.
«Ядролық қарудың бүкіл нәубетін сезінген Қазақстан, өз еркімен ядролық арсеналдарды ие болудан бас тартқан ел ретінде, БҰҰ Бас Ассамблеясында 29 тамызды Ядролық сынақтарға қарсы халықаралық күні ретінде жариялау туралы қаулыны қабылдаған мемлекет ретінде, әлемде ядролық сынақтардың толық тыйым салуды құптайды, сонымен қатар ҚХДР-ды ядролық амбициясынан бас тартуға және жедел түрде Қытай, Ресей , АҚШ, Корея Республикасы және Жапонияның қатысуымен алты жақты форматтағы ядролық мәселе бойынша келіссөздерді қайта жалғастыруға шақырады.
Жаһандық қауіпсіздіктің кепілі әлемді ядролық қарудан азат ету арқылы қол жеткізіледі. Бұған біздің еліміз бен 21-ші ғасырда адамзатты ядролық қарусыз қоғам құруға шақырған Президент Нұрсұлтан Назарбаев жүйелі үндеп келеді» делінеді ресми мәлімдемеде.