„Қазақстан Ғарыш сапары„ ұлттық компаниясына жаңа басшы тағайындалды

64 просмотров

«Қазақстан Ғарыш Сапары» ҰК» АҚ президенті болып Марат Нұрғожин тағайындалды.

Бұл туралы ҚР Инвестициялар және даму министрлігі Кадр жұмысы департаментінің директоры Марат Иғали Фейсбуктегі жеке парақшасында хабарлады.

Марат Нұрғожин 1957 жылы 30 маусымда дүниеге келген. Техника ғылымдарының докторы, профессор. 250 ғылыми мақала, жеті патент, төрт монография, тоғыз оқулық пен ғылыми әдістемелердің авторы, ол бес кандидат пен бір ғылым докторын, қырықтан астам магистрант дайындап шығарған.

2008 жылдан бастап, «Қазақстан Ғарыш Сапары» ҰК» АҚ президентінің орынбасары, 2013 жылдың тамыз айынан бері «Қазақстан Ғарыш Сапары» ҰК» АҚ президенті міндетін атқарушы болып қызмет еткен.

2013 жылы «Әлемдік ғылымға қосқан үлесі үшін» даңқ орденімен және оған қоса «Ғылымдағы есім» құрметті атағымен марапатталған.

Загрузка...