Келесі аптада Халықаралық валюта қорының Басқарушы директоры Кристин Лагард Астана экономикалық форумының (АЭФ) шеңберінде ХВҚ-ның Өңірлік конференциясына қатысу үшін Қазақстанға келеді. Бұл туралы ҚР Ұлттық Банктің баспасөз қызметі таратқан хабарламада айтылады.
«АЭФ-ке орайластырылған ХВҚ-ның Өңірлік конференциясы 24 мамырда Астана қаласында жабық дөңгелек үстел форматында өтеді. Конференцияға қатысушы Орталық Азия, Кавказ, Еуразия өңірі елдерінің экономикалық блогының бірінші басшылары сөз сөйлейді» – дейді.
Конференцияда өңірдің ағымдағы экономикалық жағдайы және ортамерзімді перспективада тұрақты дамуға жәрдемдесуді талқылау жоспарланған.