Қазақша білмеген мекеменің масқарасы шықты

“Қазақша түсінбейтіндерге: неміс сантехниктері туралы фильмді көз алдарыңызға елестетіңіздер. Егер қарызды төлемесеңіз осындай қылайын деп тұр бұлар”, – деп жазды Әлімбеков.

Оның айтуынша, мұндай хабарландырулар қала тұрғындарының тең жартысына келген.

Tengrinews.kz порталына берген түсініктемесінде “Алматы жылу желісі” ЖШС баспасөз хатшысы Наталья Инкина өз серверлеріне біреулердің бұзып кіргенін, бірақ ол арадағы қызметкерлер мұны білмей, осы құжаттың мәтіні дұрыс екен деп басып шығарғанын айтқан.

Демек, мекемеде қазақша білетін бір жан болмағаны ғой. Әйтпесе, бұл масқара құжаттың қаланың тең жартысына тарап кетуін қалай түсінуге болады?..

Қалай дегенмен де осылайша масқарасы шыққан Алматы жылу желісі өздерінің сайтында қала тұрғындарынан осы хабарландыру үшін кешірім сұрап, ағаттық жібергендерін мойындаған.