Қазақ пен қырғыздың көкпаршылары І-орынға таласып, көшпелілердің мықтысын анықтайды

81 просмотров

Дүниежүзілік көшпелілер ойындарында Қырғызстан мен Қазақстан көкпаршыларының құрамасы ақтық сайыста кездеседі.

Бұл туралы Қырғыз Республикасы дене шынықтыру және спорт агенттігінің баспасөз қызметі хабарлады.

«8-қыркүйекте, яғни ертең Шолпан Ата ипподромында көкпардан финалдық сайыс өтеді. Қырғызстан мен Қазақстан құрамалары І-орын үшін таласып, көшпелілердің мықтысын анықтайды. Ал 7-қыркүйекте Қытай мен Башқұртстан ойыншылары қола медальға таласады», деп хабарлады агенттіктен.

Еске сала кетелік, қырғыздың Шолпан Ата қаласында 62 ел спортшыларының қатысуымен 3-8 қыркүйек аралығында ІІ-Дүниежүзілік көшпелілер ойындары өтіп жатыр. Бұл ойынның бағдарламасына 26 ұлттық спорт түрлері енеді.

Загрузка...