Орталық коммуникациялар қызметінде өткен брифингте Үкімет басшысының бірінші орынбасары Бақытжан Сағынтаев Ауылшаруашылығы министрлігі жанынан жер мәселесімен айналысатын арнайы штаб құрылғандығын айтты, – деп хабарлайды BNews.kz.
Жер комиссиясының алғашқы отырысында қабылданған шешімдер мен алдағы отырыста қаралатын мәселелерге қатысты жоспармен бөліскен Бақытжан Сағынтаев айтылған әрбір ұсыныстың ескерусіз қалмайтынын айтты.
– Өздеріңіз білетіндей қазір Ауыл шаруашылығы министрлігі жанынан арнайы штаб құрылып, өз жұмысын бастады. Cаll-орталық тәулік бойы қызмет көрсетеді. Сенім телефоны – 1434-ке де хабарласуға болады, — деді бірінші вице-премьер.
Сондай-ақ, Бақытжан Сағынтаев қазір әрбір облыс орталығы мен «Нұр Отан» партиясының аймақтардағы филиалдарының жанынан арнайы қоғамдық кеңестер құрылып, белсенді түрде жұмыс істеп жатқанын да тілге тиек етті.