Бүгін Атырауда сот процесі басталды. Онда облыстық перзентхана қызметкерінің жаңа туған нәрестені 5 мың долларға сату фактісі бойынша қылмыстық іс қаралуда.
Сот үрдісі тараптардың келісімі бойынша жабық режімде өтеді. Бұл туралы облыстық сот баспасөз хатшысы Боранбай Ғалиевке сілтеме жасап, ҚазАқпарат хабарлады.
Анасының қанша ақша алғаны белгісіз, перзентхана қызметкері 5 мың доллар алған. 2,5 мың доллар ақшаны аванс ретінде алған. Баланы, оның құжатын бергеннен кейін тағы осынша қаражат беретін болып келісілген. Ақшаның қалған бөлігін беру кезінде ол тұтқындалды.
ҚР Қылмыстық кодексінің 135-бабы 2-бөлігінің 8-тармағы бойынша қылмыстық іс қозғалды.