Атырау облысында бұзылған торт сатқаны үшін дүкенді сотқа берген азамат 4 мың теңге шығынынан тыс тағы 8 мың теңге материальдық шығын өндіріп алды.
Бұл туралы Атырау облысы Жылыой аудандық сотының баспасөз қызметі хабарлады.
Атырау облысының Жылыой аудандық соты берешекті өндіріп алу туралы талап-арыз бойынша азаматтық істі қарады.
Азаматша Ж. аудандағы «Асыл тәттісі» дүкенінен торт сатып алып, үйіне апарған кезде оның бұзылып, көгергенін аңғарған. Мерзімі өтіп кеткен тәттіні дүкен иесіне қайтып апарғанда олар оны қабылдамаған. Құқықбұзушы осы жағдайға байланысты сотқа торттың ақшасы 4 000 теңгені мен 8 000 теңге материалдық шығынды өндіруді сұрап, талап-арыз түсіреді.
Сот ұйғарымымен тараптар арасында медиация келісімі бекітіліп, азаматтық іс бойынша өндіріс қысқартылды.
Келісім-шарттар бойынша жауапкер 4000 теңгеге сатып алған торттың ақшасы мен материалдық шығынды төлеуге міндеттенді, ал талапкер сатып алған тауарының ақшасын қайтару және материалдық шығынды өндіру жөніндегі талабынан бас тартты.