Атырау облысына қарасты карантин жарияланған екi ауданда егіліп, сауыққан iрi қара мал еті жеуге жарамды болуы тиіс.
Бүгiнде ветеринарлық препараттарды алуға және дезинфекциялық жұмыстарға жергiлiктi бюджеттен 1 млн 930 мың теңге бөлiнген.
Егiлген дәрi көмектесiп, 400-ге жуық iрi қара жазылған. Мамандардың айтуынша, аурудан айыққан малдың етi зертханалық сараптамадан өткiзгеннен кейiн жеуге жарамды, деп хабарлайды BNews.kz.
– Мал емделiп, карантин бiткеннен кейiн, iрi қара бақылауда болады. Малды соярдың алдында өзiнiң тәртiбi бар. Мал қаралып, оған сараптама жасалады. Малдың етi зертханалық сараптамадан өтсе, жарамды болады, – дедi бүгiн баспасөз мәслихатында ҚР Ауыл шаруашылығы министрлігі ветеринарлық бақылау және қадағалау комитеті төрағасының орынбасары Тұрсын Қабдолданов.
– Бұл – терi ауруы. Малдың терiсiне сүйел сияқты қаптап, iсiк пайда болады. Терiнiң өзiнде ғана, етке өтпейдi. Терiде қаптап, маса шаққан секiлдi болады, мысалы бiр шаршы метр аумақта жүз шақты iсiк пайда болады. Терiдегi iсiктiң биiктiгi 2 см, енi 7 см-ге дейiн барады. Осыдан кейiн олар бiр-бiрiне қосыла бастайды. 11 күннен кейiн ол жарылып, топырақ тисе, шаң қонатын болса, ауру асқынады, – дейдi ол.
Маманның айтуынша, бұл ауруға қарсы вакцина жоқ. Сондықтан ауру малға антибиотиктер егiлiп жатыр.
«Малдың емделуi мал иесiнiң қолданған шараларына да байланысты. Егер қорасына қойып, масаны қондырмай, антибиотиктердi уақытында салып, барлығын жасаған жағдайда малдар жазылып жатыр», – дейдi министрлiк өкiлi.
Оның мәлiметiнше, облыста қазiр 384 мал жазылып кеткен, ал 1 611 iрi қара емделiп жатыр. Әрi ауырған малдың иммунитетi пайда болады екен, сондықтан iрi қара екiншi қайтара нодулярлы дерматитке шалдықпайды.
Айта кетсек, Атырау облысында экзотикалық ауру салдарынан бүгiнде 130 бас iрi қара қырылған. Екi ауданда тамыз айының соңына дейiн карантин енгiзiлдi. Бұл ауру Ресейден келген. Оның қоздырғышын қан сорғыш жәндiктер тасиды екен. Ауру адамдарға жұқпайды.