Атырау облысы соттарында жаңа судьялар тағайындалды
Атырау облыстық сотында жаңадан тағайындалған судьяларды таныстыру үшін жалпы отырыс өтті. облыстық соттың баспасөз қызметі.
Қазақстан Республикасы Президентінің 2016 жылғы 31-маусымдағы №271 Жарлығымен Қалимұқашева Айгүл Демеуқызы Атырау облыстық сотының судьясы болып тағайындалды.
Айгүл Қалимұқашева 1969 жылы Атырау облысының Махамбет ауданында дүниеге келген. 1994 жылы Әл-Фараби атындағы Қазақ мемлекеттік ұлттық университетінің құқықтану факультетін бітірді. 2012 жылы заң ғылымдарының кандидаты ғылыми дәрежесін иеленген. Еңбек жолын Гурьев аудандық сотының архивариусы болып бастаған. Кейін Балықшы аудандық халық сотының судьясының тағылымгері болып қызмет етіп, 1996 жылы Балықшы аудандық сотының судьясы болып тағайындалды. 2001 жылдан бастап Атырау қаласының №2 сотының судьясы қызметін атқарды.
Оксана Дәурешова 1978 жылы Атырау қаласында дүниеге келген. Қазіргі заманғы гуманитарлық институтты заңгер мамандығы бойынша тәмәмдаған. 2000 жылдан бастап Атырау қалалық сотында хатшы болып қызмет атқарған. Кейін әр жылдары Атырау облыстық сотында және шетелдік компанияларда жұмыс жасаған.
Атырау облыстық сотының төрағасы Марғұлан Бектұрғанов тағайындалған судьяларды құттықтап, судьялық қызметтеріне сәттілік тілеп, өз істеріне адал болуды және сот төрелегін жүзеге асыру барысында азаматтар мен заңды тұлғалардың заңды мүдделерін қорғауды қамтамасыз етіп, сот жүйесінің беделді мүшесі атануға тілек білдірді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе