Астананың темір жол вокзалында адам саудасына қарсы күнге орай флешмоб өтті
Астана қаласы темір жол вокзалында «Антитрафик» атты флешмоб өткізілді. Шара аясында буклеттер мен ескерту парақшалары таратылып, адам саудасына қарсы бейнематериалдар көрсетіліп, ақпараттық бағдарлама жүргізілді.
Бұл туралы ҚР ІІМ көліктегі ішкі істер департаментінің баспасөз қызметі хабарлады.
Биыл 30 шілде күні көліктегі ішкі істер департаментінің қызметкерлері «Қорғау-Астана» жеке қорымен бірлесіп, Астана қаласының темір жол вокзалы ғимаратында „Антитрафик„ атты флешмоб ұйымдастырды.
Адамдар шоғыры көп жиналатын темір жол вокзалы аумағында адам саудасы мен аталған қылмыс түріне жетелейтін жекелеген фактілердің кездесіп жататындығы, өкінішті жағдай. Алайда көлік полицейлерімен қылмыстың осы түрін анықтау және алдын алу бойынша шаралар уақытылы қабылданады.
Мәселен, ағымдағы жылы Көліктегі ішкі істер департаментінің қызметкерлерімен Астана қаласы темір жолы аумағында жезөкшелікпен айналысуға арналған притон ұйымдастырған отбасылық жұп анықталып, олардың қылмыстық қызметінің жолы кесілді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе