Астанада жоғалып кеткен қария табылды

44 просмотров

Қазір 75 жастағы ер адамның денсаулығына қауіп төніп тұрған жоқ.

Бұл туралы Астана қаласы ішкі істер департаментінің баспасөз қызметі хабарлады.

30-тамызда шамамен сағат 23:00-де „Газовая аппаратура„ саяжай қоғамы ауданынан 75 жастағы ер адамның жоғалғандығы туралы жергілікті полиция бөлімшесіне шағым келіп түскен. Бұл күні саяжайға демалуға келген отбасы мүшелерінің ешқайсысы қақпадан шығып кеткен қарияны байқамай қалыпты. Оның аракідік болған жайттарды ұмытып қалатын қарттық дерті де бар екен.

Шұғыл іздестіру жұмыстары барысында Астана ішкі істер департаментінің қызметкерлері екі тәулік бойы далада болған қарияны қамыс арасынан ессіз-түссіз күйінде жатқан жерінен тауып алды. Полиция қызметкерлері бірден қарияны ауруханаға жеткізіп, оған дәрігерлер қажетті көмек көрсетті.

Өз кезегінде жоғалған қарияның қызы Оксана Семченко Астана қаласы ішкі істер департаментінің бастығы, полиция генерал-майоры Амантай Әубәкіровке, сондай-ақ Есіл аудандық ішкі істер департаменті басқармасының аға лейтенанты Бағлан Омаров пен Медет Жұмасияновқа әкесі Иван Котовты тауып бергені үшін шексіз ризашылығын білдірді.

„Біздің отбасымыз Есіл аудандық ішкі істер департаменті басқармасының қылмысты ашу қызметкерлеріне алғысы шексіз. Бізді өз саласының осындай білікті мамандары барлығы қатты қуанатады„ — дейді Семченко Оксана.

Загрузка...