Астанада жоғалған спортшы қыз табылды
2-желтоқсанда Астана полицейлері Қостанай облысында өткен дзюдо жарысынан елордаға қайтып келіп, үйіне жетпей жоғалып кеткен 16 жасар Мәлика Досымжанованы тапты.
Бұл туралы Астана қалалық ішкі істер департаментіне сілтеме жасап, ҚазАқпарат хабарлады.
«Полицейлер оның достары мен таныстарын сұрастырып, оның құрбыларымен Қарағанды облысына қонаққа кеткенін анықтады. Жоғалған уақытта оған қарсы ешқандай заңға қайшы әрекеттер орын алмаған. Ол Астана қалалық ішкі істер департаменті аудандық ішкі істер басқармасына жеткізілді.
Ювеналды полиция инспекторлары өз еркімен кетуіне жол бермеу туралы профлактикалық әңгімелесу өткізді. Қазіргі таңда кәмелетке толмаған қыз заң өкілдерінің қатысуымен түсінік беруде», – деп хабарлайды Астана қалалық ішкі істер департаментінің баспасөз қызметі.
Бұрын хабарлағанымыздай, 29 қараша күні қыздың анасы полицияға шағыммен келген. Ол дзюдо жарысына қатысқан қызының Арқалықтан Астанаға келгенін, бірақ үйіне қайтпағанын айтқан. Кәмелетке толмаған спортшынының мекенжайын анықтауға Астана қалалық ІІД жеке құрамы кіріскен. Іздестіру ісі қозғалды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе