Астанада жемқорлыққа қарсы қозғалыс құрылды

49 просмотров

Астанада мемлекеттік органдардағы жемқорлыққа қарсы қоғамдық қозғалыс құрылды.

Бұл туралы Qamshy.kz хабарлайды.

576cd803f2628photo_188363Ұйымдастыру комитеті қазір ұйымның нақты атауын талқыға салуда. Осындай қозғалыс құру идеясын алғаш болып ұсынған саясаткер Сырым Абдрахманов мұндай шешім қабылдауға астаналық Әділбек Мейрамовтың отбасындағы жағдай түрткі болғанын айтады.

«Біз Астанадағы сүрілген үйлердің орнындағы жерлердің тиімді пайдаланылуын белсенді түрде тексеретін боламыз. Түрлі жемқорлық схемалардың жүзеге асуы да назардан тыс қалмайды. Әр жылдардағы әкімдіктің қатысуымен құрылған, таратылған ұйымдар, заңды тұлғалар, мемлекет қаражатының жұмсалуын талдаймыз»

— дейді С. Абдрахманов.

С. Абдрахманов Астанада пәтері сүрілгелі жатқан Ә. Мейрамовтың басындағы жағдайды «мемлекеттік террор» деп бағалап отыр.

«Бұл Астана әкімдігі тарапынан жасалып отырған «мемлекеттік террор» десе де болады. Көпбалалы отбасының үйі «мемлекет қажеттілігіне» деп, көшені кеңейту үшін сүрілмекші, алайда, бұл бағыттағы қажетті жұмыстар бұрын бітіп қойған. Маған ол жерге коммерциялық нысанның құрылысы жүрмек деген де ақпарат жетіп жатыр», — деген ол құрылғалы жатқан қоғамдық қозғалыстың әлеуметтік әділдік іздеген қарапайым тұрғындарға көмек көрсетуді ғана емес, бизнесінен айрылған немесе мемлекеттік органдар мен шенеуніктерден, ықпалды топтардан түрлі қысым көрген кәсіпкерлердің де құқығын қорғауды көздейтінін айтып отыр.

Загрузка...