Астанада тағы бір компания басшысы тұрғын үй құрылысын аяқтамай, қашып кетті
Астана қаласы ішкі істер департаменті Тұран даңғылынан батыс жаққа қарай орналасқан көпфункционалды құрылыс кешенінің бас мердігері болып табылатын, «Алға Тоқболат» ЖШС-нің директоры 1978 жылғы Ержігіт Әлжанға қатысты қылмыстық іс жүргізіліп жатыр.
Бұл туралы Астана қаласы ішкі істер департаментінің баспасөз қызметі хабарлады.
Ержігіт Әлжан 2013-2015 жылдар аралығында жалпы соммасы 1 млрд 600 млн теңге құрайтын 200-ге жуық инвесторлармен инвестициялау жолымен келісімшартқа отырып, құрылысты белгіленген мерзімде аяқтамаған.
Астана қаласы ішкі істер департаменті Ержігіт Әлжанның әрекеттерінен зардап шеккендерді мына тел.нөмірлері бойынша хабарласуыңызды өтінеміз: 71-63-41, 8-707-900-88-18.
Еске сала кетелік, алдында Астана қаласында бірнеше тұрғын үй кешенін салушы „Төленді„ тұрғын-үй құрылыс компаниясының басшысының үстінен қылмыстық іс қозғалып, тергеу басталып кеткен болатын.
Осыған байланысты Астана қаласы ішкі істер департаменті қазақстандықтарға «Столичный-2» (Абай көшесі мен Сарыарқа даңғылы қиылысында), Аниса», «Аниса-2», «Аниса-3» (Қорғалжын тасжолы), «Көктал-2» (Тілендиев даңғылы 50/1 үй), «Абат» (Е 181, 363 пен 429 көшелері қиылысы), «150 лет Абая» (150 лет Абая көшесі мен 167 көшесі қиылысы) және № 23-31 және Ахмет Байтұрсынов көшелері қиылысы аудандарындағы көппәтерлі тұрғын үй кешендерінен пәтер сатып алмауға кеңес берген.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе