Отан қорғаушылар күніне орай, ҚР Қарулы күштерінің сарбаздары арасында қазақ күресінен «Әскер Барысы» атты алғашқы турнир ұйымдастырылды, деп хабарлайды Baq.kz тілшісі.
Үш сағатқа созылған жекпе-жектердің қорытындысы бойынша Қарулы күштердің орталық спорт клубының мүшесі Талғат Әрменов бірінші орынға ие болып, «Әскер Барысы» атанды.
Екінші орында – ҚР Мемлекеттік күзет қызметінің өкілі Арман Әбеуов, ал орталық спорт клубының тағы бір өкілі Дархан Дәуітбеков үшінші орынды қанағат тұтты.
«Әскер Барысы» атанған палуан «Қазақстан Барысы» турниріне қатысатынын баса айта кетелік.