Астанада Мемлекет басшысының қатысуымен бизнестің әлеуметтік жауапкершілігі жөніндегі «Парыз» республикалық конкурсының жеңімпаздарын марапаттау рәсімі өтті.
Бұл туралы Астана қаласы әкімдігінің баспасөз қызметі хабарлайды.
Ағымдағы жылы конкурсқа қатысу үшін Астана қаласының 18 кәсіпкерлік субъектісінен өтінім ұсынылды. Оның ішінде мына номинациялар бойынша: «Үздік әлеуметтік жауапты кәсіпорын» – 6, «Еңбекті қорғау саласындағы үздік кәсіпорын» – 4, «Үздік ұжымдық шарт» – 5, «Экологияға қосқан үлесі үшін» – 3 кәсіпорын өзінің бағын сынаған.
Бизнестің әлеуметтік жауапкершілігі жөніндегі «Парыз» конкурсының лауреаттары атақтарын беру жөніндегі комиссия шешіміне сәйкес, конкурсқа қатысқан елордамыздың кәсіпкерлері ішінен «Үздік әлеуметтік жауапты кәсіпорын» номинациясы бойынша «BI HoIding» ЖШС І-орын, «Еңбекті қорғау саласындағы үздік кәсіпорын» номинациясы бойынша Amitech Astana ЖШС ІІІ-орын алды.