Астанада оқушылар қоғамдық көліктермен жаз бойы тегін қатынайды.
„2016 жылдың 1-маусымынан бастап 31-тамызға дейін 7 мен 15 жас аралығындағы балалар үшін қалалық көліктер тегін қызмет көрсетеді„, -деп хабарлайды елорда әкімдігінің ресми сайты.
«2015 жылы суретін тіркетпеген және көліктің арнайы карточкасын алмаған балалар Astra Plat-тың кассасына баруы керек. Мұндай мамандандырылған кассалардың орналасқан жері туралы қосымша ақпарат 2016 жылғы 20-маусымынан бастап хабарланатын болады„, – делінген қалалық сайтта жарияланған хабарламада.
Жол жүру ақысын төлеуге Astra Plat электронды желісінің енгізілуіне байланысты бұл шара арнайы енгізіліп отыр. Мұндайда оқушылар карточканы пайдалануға әбден дағдыланады. Жазғы демалыстан соң оқушылар автобустарда осы карточкамен төлем жасайды. Қоғамдық көлікте оқушыларға 50 пайыз жеңілдік ұсынылған.