Астанада мыңнан астам түлек ҰБТ тапсырды

69 просмотров

Бүгін республика бойынша Ұлттық бірыңғай тестілеу басталды. Бірінші күні Лев Гумилев атындағы Еуразия ұлттық университетінде, Сәкен Сейфуллин атындағы қазақ агротехникалық университетінде 1197 түлек тест тапсырды.

ent

Жалпы, биыл 4106 елордалық түлек Ұлттық бірыңғай тестілеуге қатысады. 2016 жылы 4695 оқушы мектеп бітірген.

ҰБТ тапсыратын оқушылардың ішіндегі 196 оқушы «Алтын белгі», 89-ы ерекше үлгідегі аттестат алуға үміткер.

Астанада ҰБТ 2-6-маусым аралығында алты кезекпен өтеді. Қалалық мектеп оқушылары бірыңғай емтиханды 2-, 4-, 6-маусымда Лев Гумилев атындағы Еуразия ұлттық университетінде және Сәкен Сейфуллин атындағы қазақ агротехникалық университетінде, ал 3, 5 маусымда Қазақ гуманитарлық заң университетінде тапсырады.

Бес пән бойынша өтетін тестілеу 3,5 астрономиялық сағатқа жалғасады.

Загрузка...