Ломбардқа шабуыл жасаған 42 жастағы Астана тұрғыны болып шықты.
“Келіссөз кезінде ломбардтың екі қызметкері босатылды. Зардап шегушілер жоқ. Қарақшы күдікті 1974 жылғы Астана тұрғыны екені анықталды. Ломбард ғимаратына арнайы жасақ енгеннен кейін ол өз еркімен берілді. Тергеу іс-шаралары жүргізілетін болады”, – деді Астана ішкі істер департаменті баспасөз қызметінің жетекшісі Софья Қылышбекова.
Ал басқыншылық жасаған адамға қандай жаза қолданылады? Ол тергеу іс-шаралары аяқталған соң белгілі болмақ. Оған алдын ала тағылған айып – тонау.
Бүгін Астанада қарулы қарақшы Кенесары-Янушкевич көшелерінің қиылысындағы ломбардқа шабуыл жасап, екі адамды кепілге алған. Қарақшының сыртқа шығуына ломбард есігінің автоматты түрде құлыпталуы кедергі келтірген. Келіссөз кезінде алдында кепілге алынған екі адамның біреуі босатылған еді.