Астанада лаңкестікке қолайлы 30-дан аса нысанға айыппұл салынды

17 просмотров

Астана полиция қызметкерлері лаңкестік жағдайға қолайлы нысандарды тексеріп жатыр.

„ҚР Үкіметінің 2013 жылы 28 тамызда шыққан №876 Қаулысына сәйкес, лаңкестікке қолайлы нысандар тізімі жасалған болатын. Нысандардың лаңкестіктен қорғану жағдайын қадағалау мен ұйымдастыру ісі ішкі істер органына міндеттеліп, тапсырылған„ деп хабарлады Астана ішкі істер департаментінің баспасөз қызметі.

Жыл басынан бері астаналық полиция қызметкерлері осындай нысанның 30-дан астам басшысын лаңкестікке қарсы қорғанысты қамтамасыз етпегені үшін әкімшілік жазаға тартқан. Оларға 100-ден 300 айлық есептік көрсеткішке (212 100 теңгеден 636 300 теңгеге) дейін айыппұл салынды. Осындай негізде өндірілген айыппұлдың жалпы көлемі 7 миллион теңгеден асады.

Тексерулердің қорытындысы көрсетіп отырғандай, лаңкестікке қолайлы нысандарда көбіне бейнебақылау жүйесінің, дабыл белгісінің орнатылмауы және арнайы күзеттің қойылмауы сынды инженерлік-техникалық бекініс шаралары қамтамасыз етілмеген.

Загрузка...