Астанада алтын құрсақты аналар марапатталды

56 просмотров

Астанада аудандық әкімдіктерде алтын құрсақты аналар «Алтын алқа» және «Күміс алқа» төсбелгілерімен марапатталды.

Бұл туралы Астана әкімдігінің баспасөз қызметі хабарлады.

Көп балалы аналар еліміздің демографиясын дамытуға қосқан үлестері үшін құрмет белгілеріне ие болды.

«Алматы» ауданы бойынша 13 ана, соның ішінде 11-і күміс, екеуі алтын алқа алды.

— Батыр аналарымызды мақтан етеміз, олар құрметке лайық, өйткені алты және одан артық баланы тәрбиелеп, өсіру – үлкен жауапкершілік және ауыр міндет, – деді «Алматы» ауданы әкімі аппаратының басшысы Ғалымжан Сәметов наградаларды табыстау барысында.

Сарыарқа ауданында 7 батыр ана марапатталды, біреуі алтын, алтауы күміс алқа тағынды. Алдағы уақытта сол жағалауда тұратын 5 көп балалы ана да марапатталатын болады.

Еске салайық, «Алтын алқа» және «Күміс алқа» төсбелгілері 1993 жылы ҚР Президенті Нұрсұлтан Назарбаевпен бекітілді. «Күміс алқа» медалі алты бала, ал «Алтын алқа» жеті және одан көп бала туған аналарға беріледі.

Загрузка...