Астанада қалалық қоғамдық көліктер жаппай жол жүру бағытын уақытша өзгертеді

19 просмотров

Астанада 4 қыркүйекте «Астана марафонын» өткізуге байланысты көлік қозғалысы шектеледі және қалалық қоғамдық көлік бағдарларының қозғалыс сызбасы уақытша өзгереді.

Бұл туралы қала әкімдігінің баспасөз қызметі хабарлады.

Марафон өтетін уақытта № 1, 2, 3, 4, 10, 12, 14, 17, 18, 19, 20, 21, 26, 27, 28, 29, 31, 32, 33, 35, 36, 40, 43, 46, 50, 51, 52, 55, 56, 60, 61, 70, 73, 101, 102, 103, 302, 303, 308, 309 маршруттардың қозғалысы тоқтатылады.

Мәселен, № 5 маршрут Құдайбердиев даңғылымен «Құдайбердиев даңғылы» аялдамасына дейін өзгеріссіз жүреді, одан әрі Құдайбердиев даңғылымен тура — Пушкин көшесі — Абай даңғылы — Сембинов көшесі — Сейфуллин — Уәлиханов — Бөгенбай батыр даңғылы — Жеңіс даңғылы. Одан әрі қазіргі бағыт бойынша жүреді. Содан кейін осы бағытпен кері қайтады.

Ал № 7 маршрут Төлебаев көшесімен «Көкарал көшесі» аялдамасына дейін өзгеріссіз жүреді, одан әрі оңға Қобда көшесіне бұрылады — Абылай хан даңғылы — Қошқарбаев даңғылы — Құдайбердиев даңғылы — Пушкин көшесі — одан әрі қазіргі бағыт бойынша Жеңіс даңғылымен «№15 мектеп-гимназиясы» аялдамасына дейін — одан әрі Бөгенбай батыр даңғылымен оңға — Бейсекова көшесі — Қосшығұлов көшесі — одан әрі қазіргі бағыт бойынша жүреді. Содан соң осы бағытпен кері қайтады.

Қалған автобустардың жол жүру бағытындағы өзгерістерімен қаланың ресми сайтындағы мәліметтен толығырақ таныса аласыздар.

Загрузка...