Астанада 3000 адам жұмыспен қамтылды

15 просмотров

Астанада Еңбекпен қамту орталығына тіркелген 74,3 пайыз жұмыссыз азамат әлеуметтік қорғау шараларымен қамтылды. Бұл деректерді ағымдағы жылдағы бес айдағы нәтиже бойынша Еңбекпен қамту, еңбек және әлеуметтік қорғау басқармасы келтірді.

26yarmarka

Жыл басынан бастап  жұмыспен қамту орталығына барлығы 5748 адам жүгінген, олардың 2 858-і жұмыспен қамтылды, оның ішінде, 100 адам әлеуметтік жұмысқа және 254 адам жастар практикасына жіберілді. Қоғамдық жұмыстарға мыңға жуық адам тартылды.

Кәсіби дайындық, қайта даярлау және біліктілікті арттыру курстарында 414 адам оқытылуда.

Еңбекпен қамту орталықтарының деректері бойынша, жаңа жұмыс орнын құру мақсатында мемлекет  жол құрылысы, әлеуметтік нысандарды жөндеу сияқты қоғамдық жұмыстарды орындайды. Атап өтсек, «Еңбекпен қамту жол картасы-2020» бағдарламасы аясында биыл Астанада балабақша, мектеп, аурухана сияқты 55 әлеуметтік нысан жөндеуден өтті. Барлығы, 550 жаңа жұмыс орны құрылады.

Загрузка...