Астана полициясына Қытай әріптестері ат басын тіреді

68 просмотров

Қытайдағы Шанси провинциясының бірқатар лауазымды тұлғасы — қоғамдық қауіпсіздік департаменті бастығының бірінші орынбасары Цзэн Лань, Сиань қаласының қоғамдық қауіпсіздік басқармасы бастығының орынбасары Сяо Силян, қоғамдық қауіпсіздік департаментінің Ғылыми-зерттеу бөлімінің бастығы Чжан Баохан бастаған делегация Астананың ішкі істер департаментіне ат басын бұрды.

Бұл туралы Астана қаласы ішкі істер департаментінің баспасөз қызметі хабарлады.

Бұл іс-сапардың мақсаты екі мемлекеттің құқық қорғау органдары арасындағы ынтымақтастықты нығайту болып табылды.

Астана қаласы ішкі істер департаментінің жетекшісі полиция генерал-майоры Амантай Әубәкіров өзінің алғы сөзінде қоғамдық тәртіпті қорғау саласындағы өзара әрекеттестік мәселесі маңызды бағыттардың бірі болып табылатындығын атады.

Кездесуде Қытай делегациясы халқы 38 миллионнан тұратын Шанси провинциясындағы қоғамдық тәртіпті қорғау жайында айтып, мамандырылған халыққа қызмет көрсету орталығына барды.

Мәдени бағдарлама шеңберінде ҚХР делегациясы Астана қаласы ішкі істер департаментінің мұражайына, ҚР қорғаныс министрлігінің әскери-патриоттық орталығының тарихи мұражайына барып, қаланы аралады.

Загрузка...