«Астана-Павлодар» электр пойызы билетінің бағасы белгілі болды

65 просмотров

ҚР Инвестиция және даму министрлігі аптасына екі рет қатынайтын «Астана-Павлодар» жаңа электр пойызының билет құнын жария етті.

Электропоезд

«Кеше әлеуметтік маңызға ие «Астана-Павлодар» бағыты бойынша тасымалдаушыны анықтау үшін жүргізілген байқаудың қорытындылары шықты. Пойыз 2016 жылдың 1 маусымынан бастап, аптасына екі мәрте — бейсенбі мен жұма күндері Астанадан, сенбі мен жексенбіде Павлодардан жүретін болады», — деді бүгін ҚР ИДМ баспасөз xатшысы Қайсар Жұмабайұлы.

Электр пойыздың құрамы 2013 жылы жасалынған 3-санаттағы 8 вагоннан тұрады.

Билет құны: 1-санат үшін — 2 305 теңге, 2-санатқа — 2 147 теңге және 3-санат — 1 784 теңге болады.

«Айта кету керек, Астана мен Павлодар арасында күніне 900 жолаушы қатынайды. Ал жазғы мезгілде 1 100 жолаушы жолға шығады», — деді Қ. Жұмабайұлы.

Загрузка...