«Астана» Чемпиондар лигасынан шығып қалды
«Астана» футбол клубы УЕФА Чемпиондар лигасының үшінші айналымында Глазгода Шотландия чемпионы «Селтик» командасымен қарымта кездесу өткізіп, 1:2 есебімен жеңіліп қалды.
Бұл туралы Қазақпарат хабарлайды.
Матч “Селтик” командасының басымдығымен басталған болатын. Алайда шотландықтар мардымды шабуыл жасаған жоқ. Матчтың алғашқы таймы 1:0 есебімен “Селтик” командасының пайдасына шешілді. 45-минутта төреші “Астана” қақпасына пенальти белгілеп, қарсыластар сапынан Гриффитс айып добын мінсіз орындады. Екінші таймда “Астана” футболшылары басымдықты өз қолдарына алды. Допқа иелік етуде алға шыққан қазақстандықтар ойынның 62-минутында гол соқты. Астана сапындағы Ибраимидің голы есепті теңестіруге сеп болды.
Осы ойын қорытындысы бойынша, “Астана” УЕФА Чемпиондар лигасының іріктеу кезеңінен шығып қалды, енді қазақстандық чемпион Еуропа лигасының топтық кезеңінде бақ сынайды.
Айта кетейік, екі команданың алғашқы матчы бір апта бұрын Астанада өткен болатын. Ол кезде футболшылар 1:1 есебімен тең тарқасты.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе