Қашағанның бірінші партиясы экспортқа жөнелтілді

50 просмотров

КҚК құбыр жүйесіне іске қосу-баптау аясында жүргізілген жұмыстар кезінде Қашаған кен орнынан шамамен 7 700 тонна экспортқа шығарылатын мұнайдың бірінші партиясы жөнелтілді, деп хабарлайды primeminister.kz.

«ҚазТрансОйл» АҚ құбыр жүйесіне 18 800 тонна экспортқа шығарылатын мұнайдың партиясы жөнелтілді, ал «Интергаз Орталық Азия» АҚ магистралды жүйесіне 22,8 млн текше метр тауарлық газ берілді», — деп мәлімдеді Энергетика министрлігі.

Айта кетейік, 2016 жылдың 28 қыркүйегінде Солтүстік Каспий консорциумы теңіздегі және жер үсті кешеніндегі жабдықтарды тестілеу және іске қосу-баптау жұмыстарына кірісті.

«Қазіргі уақытта теңіздегі және жер үсті кешеніндегі жабдықтарды іске қосу-баптау, бақылау-өлшеу аспаптарын және технологиялық процестерді басқарудың автоматты жүйелерін тестілеу жалғасты. Тұрақты жұмыс режиміне шығу біршама уақытты қажет етеді», — деп мәлімдеді министрлік өкілдері.

Загрузка...