«Арыстанбек маған да артылмақ болды!». Тағы бір қыз шындығын айтты

– Бірде түннің бір уағында маған келіп, қызметтік пәтерге жүр деді, ол пәтерде Арыстанбек жалғыз емес болған сияқты, сені көптен бері күтіп қалдық дейді. Сағатқа қарасам, түнгі төрт. Бармаймын десем, қоймайды.

Иығыма қолын салған кезде шыдамадым, қолын қағып тастадым. Содан кейін ол маған қатты өшігіп алды. Бір жылдан кейін ақыры ебін тауып мені жұмыстан шығарып жіберді.

Менің ойым – мұндай адам мәдениет министрі бола алмайды.

Ол министр болды дегенде өнер саласында жүрген талай адам шалқасынан түсе жаздаған.

Жалпы, бұл адамды тексеру керек, әлі талай былығы ашылатыны анық, оның арсыздығына куә болған әлі де біраз адам шындығын жайып жатса, таң қалмаймын. Мен осы айтылған әр сөзіме жауап беремін, тергеуге алынып, жауап беруге дайынмын, – деп қосады Роза Бақтығалиева.