Арменияда полиция бөлімшесін басып алғандармен келіссөз жалғасып жатыр (видео)
Ереванда полиция бөлімшесін басып алғандармен келіссөз жалғасып жатыр. Олар өз талабы туралы бейне үндеу де жолдап үлгерді. Осы оқиғаға байланысты Армения президенті Серж Саргсян елдің құқық қорғау өкілдерімен шұғыл кеңес өткізді.
Бұл туралы newsarmenia.am хабарлайды.
Кеңеске қатысушылар мемлекет басшысына 17-шілдеде таңертең полиция бөлімшесін басып алғандарға қатысты мәліметтерді баяндады. Қазір ондағы қарақшылармен байланысы бар 200 адам жауапқа алынып жатқан көрінеді.
– Олардың талабы – біреу-ақ. Жирайр Сефилянды босатыңдар деп жатыр, – дейді ол.
Алдында „Құрылтайшы парламент„ және „Жаңа Армения„ оппозициялық қозғалыстарының көзбасшысы Сефилян қару-жарақ тасымалдап, оны сақтағандардың үстінен қозғалған іске байланысты 20-маусымда ұсталған болатын. Тергеу кезінде оның өз жақтастарымен Ереванның бірнеше ғимаратын басып алуды жоспарлағаны анықталған.
17-шілдеде, яғни демалыс күні бір топ қарулы адам Арменияның патрульдік-күзет қызметі полкіне шабуыл жасап, басып алған. Шабуыл кезінде полиция полковнигі Артур Ваноян көз жұмды, тағы үш полиция қызметкері жараланды. Бірнеше полиция қызметкері кепілге алынған.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе