Жақында Санкт-Петербор қаласында өткен Әзірбайжан мен Армения президенттерінің кездесуі нәтижесіз аяқталды.
Армения соғысқа дайындалып жатыр ма?
Сарапшылардың сөзіне қарағанда, ресми Ереван даулы Қарабах мәселесін саяси жолмен емес, соғыс жолымен шешуді көздейді, деп хабарлайды Голос Ислама сайтына сілтеме Baq.kz тілшісі
Бұқаралық ақпарат құралдарына сұхбат берген Әзірбайжан басшысы Илхам Әлиев Таулы Қарабахқа нақты мәртебе беруге дайын екенін жеткізді. Оның айтуынша, аталған территорияны «екінші армян мемлекеті» ретінде емес, тек Әзірбайжанның автономды бөлігі ретінде ғана мойындауға болады.
Алайда ресми Ереван оған келіспей отыр. Арменияның сыртқы істер министрі Эдвард Налбандянның айтуынша, Таулы Қарабахтың мәртебесін халықтың еркін дауыс беруі арқылы анықтау қажет. Дегенмен, даулы жерде армяндардың басым екенін ескерсек, дауыс берудің қаншалықты «еркін» болатынын аңғару қиын емес. Бүгінде Армения «берсе қолынан, бермесе жолынан» деп, соғысқа дайындалып жатқанын ашық білдіріп отыр.
Осы елдің қорғаныс министрі Сейран Оганян Ресей тарапынан қару-жарақ алуға несие бөлінетіндігін, сондай-ақ Мәскеу мен Ереванның бірыңғай әуе қорғанысы жүйесін құруға ниетті екеніндігін мәлімдеді. Осылайша, Кремль бұл шиеленісті саяси жолмен шешуге үндесе де, де-факто Ереванды соғысқа дайындап жатыр.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз