2016 жылдың бірінші жартысы метеобақылау тарихында ең жылы кезең. АҚШ-тың әуе-ғарыш агенттігі осындай мәлімет таратты.
Бұл туралы 24.kz жазады.
Жер бетіндегі жылылық Арктикадағы мұздықтардың тез еруіне әсер етсе керек. Мамандардың пайымдауынша, бұл құбылыстың көптеген жағымсыз салдары да болуы мүмкін. Ауа райының өзгеруі Африка мен Азия аймақтарына және Арктика аумағына ерекше әсер етуде. Әлем су тапшылығын сезінеді.
– Арктикадағы теңіз мұзы полюс үшін қалпақ секілді. Түсі ақ болғандықтан, оған, әсіресе жаз маусымында күн сәулелерінің көбісі шағылады. Осылайша, бұл қалпақ ғаламдық ауа райы жүйесінде тоңазытқыш қызметін атқарады. Ал соңғы жылдары мұз тез ери бастады.
Ғалымдардың айтуынша, әлемнің өзге бөліктерімен салыстырғанда Арктика аймағында жылу процесі артты. Бұл ауа -райына тікелей әсер етеді.
Уолт Мейер, АҚШ әуе-ғарыш агенттігінің маманы:
– Арктика жылығанда, солтүстік пен оңтүстік ендіктер арасындағы климат тепе-теңдігі өзгереді, ал бұл өз кезегінде ауа райына әсер етеді.
Бүгінде осының салдарын байқауға болады, мәселен теңіз ағыстарының бағыты өзгеріп жүр. Әдетте олар шығыстан батысқа бағытталған, бірақ қазір солтүстік пен оңтүстікке ұзарып, ілмекті сипатқа ие болды. Бұл қуаңшылық, муссон жаңбырлары мен су тасқындарына себеп болып жүр. 2018 жылы АҚШ әуе- ғарыш агенттігі ICESat 2метеорологиялық спутнигін орбитаға ұшыруды көздеп отыр. Жер серігі Арктика аймағын бақылап, ғалымдарды толығырақ мәліметпен қамтамасыз етеді.