Қарағанды оқушысы Менделеев олимпиадасында күміс жүлде алып, тегін грантқа ие болды

59 просмотров

 

Қарағанды оқушысы химия пәнінен өткен Менделеев олимпиадасының күміс жүлдегері атанды. Мәскеуде өткен дәстүрлі байқауға 20 елден 100-ден астам жоғары сынып оқушылары қатысты. Беделді байқаудың жеңімпаздары Ресей жоғары оқу орындарының бірінші курсына емтихансыз автоматты түрде тіркеледі. Бұл туралы 24kz хабарлайды.

Аталған олимпиаданың күміс жүлдегері Мұрат Тиішқұл Бірыңғай ұлттық тестілеуді тапсырмау құқығына ие болды. Сонымен қатар дарынды оқушы Қазақстанның кез келген жоғары оқу орнына грантпен түсе алады.

11-сынып оқушысы бұған дейін де түрлі облыстық, республикалық және халықаралық олимпиадаларда жүлделі орындарды еншілеген.

Мұрат Тиішқұл, қазақ-түрік лицей-интернатының оқушысы:

— Олимпиаданың қазылар алқасында Мәскеу мемлекеттік университетінің профессорлары болды. Жыл сайын берілетін тапсырмалар қиындап келеді. Бұл – химия пәнінен әлемдегі ең беделді де күрделі олимпиада. Мен болашағымды химиямен байналыстырмақпын. Өйткені осы пән көптеген ғылымға жол ашады. Мүмкін фармацевтика саласына, әлде мұғалімдікке бет бұратын шығармын.

Загрузка...